為咗滿足一眾宅男嘅佔有欲，動畫作品出版商會推出大量周邊產品，好似文具、滑鼠墊、飲品等等，近年更鍾意將性感女角嘅肖像印製到攬枕套上面，等班宅男可以攬住自己心儀嘅女角入睡，藉此解除煩惱，發個綺夢。最近，超人氣動漫名作《強襲魔女》又推出咗一系列嘅攬枕套，當中就以今日為大家介紹嘅呢款最精美，原因係此套印上作品當中其中一個女角歌爾特露特·巴克霍隆嘅肖像。呢位十九歲嘅美少女戰鬥力非凡，打起交上嚟唔係人咁品，其強悍又豪氣嘅性格相當突出。而攬枕套底面都各印有阿妹嘅肖像，一個露胸又露底，一個則着重背面，共通點就係其面上顯出一臉怕醜，別具一番誘惑感覺。