最近嘅天氣成日都陰陰濕濕，加上有時毛毛細雨，客人性趣一定大減，但最令骨場老總頭痛嘅，原來係啲毛巾，因為天氣嘅關係，所以啲毛巾就算洗完都好，吹佢幾日都係霉霉濕濕咁，最嚴重嘅有啲仲會發出陣陣異味，令客人大倒胃口。
內地好多骨場，啲毛巾都係自己清洗，因為佢哋有嘅係地方同人手，只要喺天台上面拉幾條繩，就可以千帆並舉，萬國旗隨風揚，睇到嘅話只會讚嘆何其壯觀，但最近成個月都係陰陰濕濕，啲毛巾晾極都唔乾，遇上毛毛雨，就更加唔使旨意會乾，所以好多毛巾都會掛喺室內晾乾，但問題嚟啦，骨場嘅走廊閣樓，好多都冇乜打理，長期有陣「噏」味，啲毛巾放喺度晾乾，一來空氣根本就潮濕，毛巾想乾都難，二來啲「噏」味仲會走入毛巾裏面，最後搞到啲毛巾有陣異味傳出，令人反胃。
有骨場為咗啲毛巾快啲乾，竟用土法催乾，就係用熨斗同風筒，但可以想像得到，吹到風筒噴火都吹唔乾一條大毛巾，何況咁多毛巾，所以最後都焗住攞去洗衣店洗，但普通骨場以三十間房計，每日有五個客就有一百五十次使用量，而每個客連囡囡最少要用三四條毛巾，一日就有六百條毛巾要洗，好多小型洗衣店都做唔切，所以骨場就算肯畀錢都冇乜人幫到手，要搵大型洗衣場，自己區未必有，於是一來一回仲要蝕埋運費，所以成本上漲唔少，但都冇辦法，只有希望天氣正常返至有運行。
撰文：賢