車模唔係一般女仔可以做得到，除咗個樣要夠索夠美艷，最重要係夠高，原因工作需要車模拍埋架車影相，如果身材太矮連車頂都高唔過就襯唔起架車，所以好似極品車模倪慕斯咁高就一流喇。現年21歲嘅倪慕斯擔任車模已經有一段時間，一直都備受業界歡迎，一來因為阿妹佢天生麗質，只係化個淡妝都美艷過人，面上冇太重嘅人工修飾味道之外，仲因為佢身高有成5呎9吋，着埋對高跟鞋就超過6呎，高挑之餘，雙腿修長纖幼，上圍又有斤両，真係索到啪啪聲！所以即使今時今日，車模界人才輩出，阿妹嘅地位依然未受動搖。另外，如果大家無緣參加阿妹出席嘅車展，其實可以睇佢嘅博客，因為阿妹上載咗好多寫真，內裏有其性感演繹以及各種靚車，一樣令人睇得開心又興奮。