有指美軍嘅拉登短片造假，查實有幾奇呢？事關當地嘅四仔作品，脫星床戲造假經已係公開嘅秘密，尤其愈紅愈假，以脫星Aubrey Addams為例，早前一個月內推出近廿部大小作品，床戲超過五十劑，若然吓吓真身上陣，相信床都唔使落囉！
明知係假，點解仲要睇？理由好簡單，事關替身比真身身材更正，四仔作為功能性嘅機碟，可謂功德無量，懶理佢真假上陣，麻甩佬仲投訴嚟做乜喎！講開四仔床戲造假，查實已有好多年歷史，之不過以往畫面質素冇咁高，造假技術較容易，家陣講高清又3D，造假愈來愈難，甚至可以話造假比用真人上陣成本更高，無奈一線脫星檔期難度，四仔為咗賺錢，焗住造假。
要數近期最假脫星可說Aubrey Addams莫屬。事關阿妹被心水清四仔迷統計出，一個月內推出近廿部四仔作品，對涉嫌床戲造假，阿妹直認不諱，更大條道理還擊。「一個月出廿部作品，邊有可能唔假先？問題係呢期我人氣爆燈，外界無非想欣賞我尊容，至於我嘅床技都要放埋一邊，造假又何妨？」
事實又唔怪得晒Aubrey Addams，片商為咗眼前利益，榨乾脫星，依家脫星界甚至出現諷刺行頭笑話：脫星冇替身紅極有限喎！「的確如此，脫星界跟紅頂白，假如你呢期上位嘅，各大片商必定爭住搵你開戲，同時間亦會為你搵定身材差唔多嘅替身，但若然你冇人氣，就算片酬再低都冇人用你。由於四仔講求合作，對手戲難免要替身上陣，導演惟有以鏡頭遷就，盡量用側面及背面拍脫星，至於自摸戲份當然由我親身擔正啦！」但Aubrey Addams亦承認，由於四仔質素愈來愈高，再難以造假滿足影迷，奈何架生只得一副，就算由朝砌到晚，都未必趕得切完工，見財化水你都咪話唔陰功囉！
出生日期：1987年5月25日
三圍：34D、24、34
身高：5呎3吋
撰文：祖