鍾情成熟男人

兩位少女真係奇怪，有靚仔唔要，竟然話鍾意中年男士，究竟佢哋嘅品味點解咁特別呢？佐藤友里就解釋：「喺我心目中，年輕男士都係粗心大意，而且不解溫柔，想追你嗰陣，對你千依百順、阿諛奉承，追到手之後就變成另一個人，但係都唔夠嗰啲鹹濕仔咁變態，相識唔夠一日就想同我上床，有啲人就淨係識得要我同佢開心，連行街、睇戲呢啲咁小嘅事都唔願意做，你話點頂喎！當然，我知道唔係所有男仔都係咁，但要搵一個思想成熟又細心體貼、唔會當女仔係玩偶嘅男仔，家吓已經好難搵到。」

如果話靚仔冇本心，令索女從此唔鍾意少男，呢個講法都合理，不過中年男士喺佢哋心目中又有乜嘢吸引力呢？友里妹就話：「我覺得三、四十歲嘅男人，對待女仔都零舍溫柔體貼。又或者係佢哋嘅人生經驗比較豐富，所以對住佢哋嗰陣，感覺零舍舒服，部分人亦會特別了解女人嘅心態，至少佢哋知道我嘅想法，唔似得啲後生仔淨係想同我上床吖！」原來中坑都有咁多優點，難怪友里妹寧願揀佢哋喇！

床上溫柔細心

除咗鍾意中年男士嘅溫柔細心，唔知佢哋仲有冇其他特別嘅原因呢？另一位索女岩佐真悠子就話：「與年輕少男相比，我覺得同中年男人上床會更加開心。以前同一啲年紀差不多嘅男仔上床，佢哋通常淨係識得好似隻盲牛咁死衝爛衝，為咗滿足自己，有時完全冇理會過我嘅感受，真係搞到好冇癮㗎！相反，同一啲思想成熟嘅中年男人開心，感覺可以話完全係兩回事，好似我先前遇到嘅對手，不但做足前戲，入正題更會用上唔同嘅招式，最重要係懂得顧及我嘅感受。此外，我總係覺得佢哋嘅性經驗豐富，技巧又好，所以每次總會搞到我好冧、好舒服，淨係呢點就已經攞滿分啦！」真悠子又話，目前正物色一位男友，只要係三十歲以上、擁有正職嘅男士都會考慮！

望男人專一

既然兩位索女對中年漢情有獨鍾，咁講法，一眾少男咪即係冇運行？友里妹就話：「都唔係嘅，我哋講咗咁多中年男人嘅優點，只係想話畀大家知女仔嘅心態，希望男人可以無時無刻都對我哋溫柔同體貼，要知道女人都鍾意畀人錫，喺床上面更加需要男人嘅呵護，試問對住一個性急又粗魯嘅男人，我哋點可能享受到性愛嘅歡愉？」

至於真悠子就話：「好多男人都可以到處留情，甚至見一個愛一個，但女仔就唔係咁諗，我哋始終希望有一個對自己真心嘅男人喺身邊，甚至搵一個可以付託終身嘅結婚對象，所以我哋先會話對思想成熟嘅中年男人零舍有感覺咋！」估唔到兩位水着妹嘅擇偶條件都幾簡單咁喎！

佐藤友里小檔案

出生日期：

1981年2月5日

身高：5呎4吋

血型：A型

三圍：33、23、33

岩佐真悠子小檔案

出生日期：

1987年2月24日

身高：5呎1吋

血型：A型

三圍：33、23、34

撰文：娟娟