所謂「禍從口出」，意思係指如果多口嘅話，好易因此而惹禍上身。不過，原來禍唔一定因多口而起，有時因為手多多，亦會因而受到不必要嘅苦楚。好似以下片段嘅男主角文仔咁，佢就因為一時多手，而慘遭牙醫教訓。
阿豪
文仔牙痛咗幾日，終於的起心肝去搵牙醫剝牙。正當牙醫為文仔檢查牙齒嘅之際，文仔發覺牙醫新請咗個靚女護士，玲瓏浮凸嘅身材，搞到文仔忍唔住撩靚女講嘢。
靚女見文仔口花花咁，傾咗幾句後都唔係咁想理佢。文仔竟然趁靚女唔覺意嘅時候，突然撩起佢條短裙，即時嚇到靚女大嗌！牙醫見狀，便決定教訓呢個鹹濕佬！
牙醫用繩綁住文仔隻爛牙，再將繩嘅另一端綁住佢架電單車，然後發動引擎。文仔即時被電單車拖行！原來牙醫為教訓佢，竟然用古法剝牙。文仔真係自作自受！