打甩髀！夢想FC凱景爭開齋

目前以2和4負位處聯賽尾二的夢想FC，上周菁英盃2比1反勝和富大埔，今季首度在法定時間內贏波。主教練梁志榮透露，林衍廷及林樂勤今仗繼續倦勤，隊長陳偉豪膝部亦有微傷，不過他認為上仗賽果絕對是支強心針︰「黃晉軒同潘栢安上仗首度擔正，表現中規中矩。班球員唔需要我提醒，都知呢場波嘅重要性，不過唔會畀佢哋太大壓力，始終都仲有次循環去搶分。」

馮凱文：係時候有番啲成績

今季於各項賽事尚未打開勝利之門的凱景，今仗贏波便能反壓對手擺脫榜尾位置，相反落敗就會進一步遭拋離。主教練馮凱文表示夢想所受壓力較己隊大：「其實一直都對班球員有信心，只不過係爭一場搶到分或者贏波嘅比賽。12月我哋先後對夢想及元朗，呢兩場都好關鍵，希望今個月有分落袋，等班球員冇咁大壓力。雖則我哋新埋班，有藉口畀自己，但呢一刻我覺得都要有番啲成績出嚟。」傷兵方面，早前骨裂的徐相民雖於日前復操，進度仍有待觀察，而隊長杜瑋鴻或可能負傷上陣。