籽嬴籽羲唔做填鴨做小拳王

「籽羲」和「籽嬴」兩兄妹感情深厚，同樣自幼開始接觸搏擊運動，至今已有9年。現正值暑假期間，當大部分學生都在埋頭苦幹，忙着完成暑期作業、報讀補習雞精班時，兩兄妹依然全情練習，妹妹「籽嬴」更指要對得住自己：「因為暑假要比賽，就算操完拳輸咗都唔緊要，但係唔操拳就輸會覺得好唔抵！」

「搏擊幫我搵番自信」

在香港這個學業成績主導的社會，填鴨式教育制度下，你沒拿100分，就是一個沒有能力的人，亦有「怪獸家長」因過度溺愛、保護下一代，不容別人責罵子女，令他們未能在挫折中成長。然而，每人的天賦各異，學業成績只是其中一面鏡子，並沒有完全將優點反映出來。正如「籽羲」一樣，擁有運動天分的他，學業成績未如理想，自信心更一度受挫。幸好，搏擊運動助他重拾失去的自信：「喺學校成績唔係咁好，唔明點解溫咗咁耐書，啲成績都唔及預期，但喺打拳方面，攞到好成績，令我有番自信。」

籽嬴

籽羲

社會一向對搏擊運動存在負面印象，惟他倆卻有着另一種領會，「籽羲」表示：「操拳之後，我學識咗堅持，之前有時練習1分鐘都堅持唔到，因為我一覺得攰就唔想郁，依家就會頂住、堅持住，唔會咁易放棄！」

至於「籽嬴」則變得大膽：「以前如果叫我做啲危險嘅動作我一定唔敢，依家就會嘗試去做，做到我就會繼續做！」

籽羲揚威東京：想超越老竇

這個暑假，兩兄妹曾到東京出戰「Shoot Boxing2018年度青年軍大賽」，「籽羲」更榮膺全場最佳選手。儘管獲得佳績，但他並沒有驕傲：「攞到MVP都開心嘅，其實我喺比賽期間，未完全用得番我平時操、平時學嘅嘢。我覺得比賽贏輸唔係最重要，只要發揮到就得！」他期望自己能夠為搏擊運動出一分力，用表現除去世俗對搏擊的負面標籤，惟首要條件是要不斷進步，並期望有朝一日能超越父親向柏榮。