高挑腿長係模特兒嘅必備條件，呢個係常識吧！不過要喺索女雲集嘅南韓模特兒界中突圍而出，單憑呢兩個優點仲未夠。如果想成為人氣模特兒嘅話，就要學似南宮恩愛咁，唔單止擁有高挑身材及激凸嘅三圍數字，加埋迷人嘅樣貌，令男士一見傾心。
雖然大家未必認識南宮恩愛呢位南韓模特兒，但係一定會對佢嘅名字留下印象，事關南宮係南韓第一大複姓嚟o架！喺讀書時期，佢已經獲得唔少模特兒星探注意，但係當時佢並未諗過做Model，反而希望能夠成為一位排球運動員，所以佢努力練出唔錯嘅球技。不過隨住時間嘅推移，佢對排球嘅熱情慢慢減退，呢個時候佢獲得從事模特兒工作嘅朋友推薦，畢業後佢就以兼職模特兒身份進行攝影模特兒工作。恩愛表示，當時佢不知幾咁緊張，好彩同場有前輩幫助，才可以順利完成工作。不過，攝影師就對恩愛嘅表現讚不絕口，認為佢冷艷嘅樣貌相當有潛質，更對佢一對修長美腿留下深刻嘅印象。其實唔單止呢位攝影師讚賞，其後同恩愛合作過嘅攝影師都對佢嘅外形及認真嘅工作態度極之讚賞。就係因為咁，令恩愛充滿自信，決定轉為職業模特兒，先後喺多本潮流、時裝、汽車等雜誌上亮相，冇幾耐佢獲得模特兒事務所安排做賽車女郎，憑住佢一對修長美腿，加上露出事業線，不但成為賽場上嘅焦點，同時令更多人認識到佢呢位新進模特兒嘅魅力。其後多次喺賽場上現身嘅佢，漸漸成為一位人氣賽車女郎，加上佢頻頻喺各個平面媒體上亮相，令人氣不斷提升。
隨住工作愈嚟愈多，令恩愛感到壓力愈嚟愈大，尤其係工作排得密密麻麻，令佢嘅身體開始出現毛病，於是佢決定減少工作，只專注做攝影模特兒，雖然曝光率減少咗，但唔代表佢嘅人氣下滑，仍然得到唔少粉絲支持。經過一段日子休養後，對事業充滿熱誠嘅恩愛開始蠢蠢欲動，首次以車模身份喺車展中為汽車品牌站台，以一套連身低胸長裙造型示人嘅佢，外形性感，優雅嘅氣質更係令人一見難忘。據佢講之所以唔返回賽場做賽車女郎，係因為佢覺得車模工作較為輕鬆。不過佢卻估唔到，初次以車模身份登場獲得極佳評價，自此佢便成為車展嘅常客。及後佢做咗個大膽嘅決定，就係為汽車雜誌拍攝一輯超性感嘅大露背寫真，如此性感嘅演出令佢嘅人氣攀上高峰，更成為頂級模特兒行列嘅一員。時至今日，恩愛仍然喺南韓模特兒界中有極高嘅人氣。
簡介：南宮恩愛最為人印象深刻嘅地方，除咗高挑身材外，更在於一對修長美腿。不過唔少人卻忽略咗，其實呢位外表冷艷嘅氣質女神，上圍亦相當有睇頭，不過佢希望大家留意佢嘅演出多過身材。如果大家想了解恩愛多啲，可以Click入呢個網睇睇。
網址：http://cafe.daum.net/namgung-eunae
出生地：首爾
身高：174cm
三圍：33-23-34
撰文：魂