傑志僅負天津唔失禮

傑志0:1天津權健
傑志艾力士（藍衫）一度令天津權健後防出現險象。

由於列斯奧及艾里奧一對中堅受傷，傑志今仗改由李毅凱夥拍金奉珍鎮守中路，並繼續以4-4-2陣式抗敵。去季中超季軍天津權健甫開賽已不乏攻勢，王杰於5分鐘接應王永珀左路開出角球跳頂，遭傑志守衞及時大腳解圍，趙旭日及後禁區外抽射省中敵將高出。傑志首個具威脅攻門出現於18分鐘，科蘭左路施射，被門將張鷺撲出。「藍鳥」在主場球迷打氣下，球員愈踢愈見信心，科蘭於28分鐘妙傳艾力士近射斜出，這位烏拉圭球星33分鐘在禁區外抽射亦被救出，上前補射的艾力士又近射高出。完半場前傑志盧均宜因傷退下火線，由佐迪入替，後者隨即交出妙傳，惟艾力士右路窄角度起腳斜出，雙方半場互無紀錄。

莫迪斯迪89分鐘奠勝

傑志換邊後攻勢有增無減，但丹尼及佐迪先後攻門都未能取得入球。膠着局面到89分鐘起變化，客軍箭頭莫迪斯迪近門接應權敬源的傳中，頂入奠勝一球。天津權健全取3分後，與較早前作客2比0擊敗柏雷素爾的全北汽車，提早一輪攜手出線16強，傑志則與柏軍同告小組畢業。

柏圖（左）面對傑志球員奮勇攔截冇晒符。

佐迪（中）後備上陣亦交足貨。

朱志光給予球員高度評價

傑志主教練朱志光賽後指對賽果感失望，但對一眾球員給予高度評價︰「首先今日要多謝入場支持嘅球迷，現場氣氛相當好，比賽亦相當精彩，但對自己嚟講個紀錄就唔太開心。今日雖然面對一隊中超球隊，我哋踢出紀律性，亦糾正之前作客輸波時所犯嘅一啲錯誤，打咗場好好嘅比賽，但去到比賽尾段因犯錯而輸波，球隊都要去檢討同改善，始終足球比賽需要貫徹始終，不過用一場咁嘅比賽去完結亞冠主場賽事，都算係有一個美好回憶。」