正所謂「女大十八變」，每個女性都希望喺成長期中得到蛻變嘅機會，令自己有朝一日可以變成男士心目中嘅女神。不過現實卻唔係你想點就點，想真正做到十八變，少啲運氣都唔得，好似南韓模特兒尹煕星咁，細個時佢對自己嘅外形缺乏自信，但係佢又點諗得到長大後，竟然樣貌同身材兼備呢？
要成為一位令男士印象難忘嘅模特兒，樣貌同身材自然唔少得，而更重要係散發出一股星味。所謂星味係好難喺其他人身上搵到同一樣嘅感覺，若然要數現今南韓模特兒界中最具星味嘅模特兒，尹煕星必然係其中一位。不過，細個時嘅佢外形一啲都唔吸引，身材亦唔突出，反而佢身邊嘅女同學不乏靚女，胸前偉大嘅亦有唔少，因此令佢欠缺自信。及至發育時期，佢嘅身材變得玲瓏浮凸，胸部更激增至D Cup，唔少女同學都大讚佢身材火辣，同時亦吸引唔少男同學嘅目光。不過佢最意想不到嘅係，竟然有男同學向佢表白，之後裙下之臣愈嚟愈多！
另外，身邊嘅同學都有做兼職嘅習慣，故此佢亦諗吓自己可以做乜嘢兼職賺外快，結果一位從事模特兒工作嘅同學介紹佢去模特兒事務所面試，對於當時欠缺自信嘅佢，本來有啲抗拒，礙於同學太過熱心，惟有抱住試吓嘅心態去面試，點知發現自己原來都幾上鏡，加上對模特兒工作了解多咗，結果成為兼職攝影模特兒。而事務所對佢寄予厚望，認為佢天生有一股星味，絕對係一個可造之材，煕星笑言可能係因為自己嘅性格比較孤僻，予人一種距離感，才會令人產生呢種錯覺。
經過一年多後，尹煕星取得唔少人氣，先後喺多本時裝、美容及化妝雜誌上亮相。由於樣貌同氣質可以應付到大部分嘅產品，加上表現好，事務所提議佢不如轉做職業模特兒，結果2014年佢喺南韓模特兒界正式出道。之後，佢仍然以攝影模特兒工作為主，而喺一次偶然機會，佢踏入咗車模界。話說有位模特兒原先喺車展上為一個汽車品牌站台，卻因私人理由臨時缺席，所以事務所安排尹煕星頂替，首次以車模身份喺大型活動上登場。化身成優雅又性感車模嘅佢，憑住亮麗外形及火辣身材，即時成為展場上最亮眼嘅焦點，雖然佢當時緊張到唔知應該點做，但卻獲得極佳嘅評價，令佢人氣飆升。
呢次成功演出，令事務所對煕星充滿信心，因此安排佢做賽車女郎，喺釜山舉辦嘅賽事上演出，而造型性感嘅賽車女郎服，令佢嘅天賦本錢表露無遺，養眼得嚟又有星味，令佢人氣大爆發。不過事務所認為佢仍有潛力可以攀得更高，因此2016年推薦參加超級賽車女郎大賽，而擁有超高人氣同非凡外形嘅佢，順利喺比賽中奪得冠軍。人氣高咗，自然有更多人想了解多啲，只係煕星絕少接受採訪，理由係希望能夠畀到自己一啲私隱空間。
出生地：首爾
身高：167cm
三圍：34-23-34
簡介：尹煕星嘅外形真係無可挑剔，不論係樣貌定係身材，均屬女神級別。若然想深入啲認識佢嘅話，就要Click入呢個網站喇！
網址：http://cafe.daum.net/shashaola
撰文：魂