委內瑞拉球壇爆出人神共憤嘅超級醜聞！效力當地勁旅蘇利亞嘅昆路同巴列圖，最近喺IG自爆一段「虐貓影片」，片中2位球員不斷向一隻小貓施以酷刑，對隻貓身體各部分猛烈拉扯，最後仲將隻貓掟出窗口，相當變態，影片曝光後2人自然被鬧爆，蘇利亞亦隨即發聲明將2人即時解僱，並且會安排昆路同巴列圖去接受心理治療。