香港東方修頓強爆夢想家
力爭衞冕東南亞職業籃球聯賽（ABL）的香港東方，今晚繼續於主場灣仔修頓室內場館出擊，迎戰台灣寶島夢想家。「藍軍」為重奪榜首位置已再無退路，希望在「戰神」艾利諾創下ABL千分里程碑「沖喜」下及時反彈，為月尾的魔鬼賽程打下強心針！
（有線62台周四晚8時直播）
ABL讚「戰神」強如暴風
香港東方雖然近3仗未嘗一勝，不過隊中「戰神」艾利諾去仗轟入29分，於ABL得分正式突破1000大關。ABL官網撰文形容艾利諾自首次上陣起便如風暴般橫掃聯賽，這位「得分王」出戰ABL兩個球季，只花43場便做出此里程碑，成為最快完成創舉的球員，為球隊「沖喜」。球隊副總監香振強指「藍軍」內部士氣未有受影響：「球隊睇番之前幾場波嘅片段，球員之間溝通好咗，勇於檢討有咩做得唔理想，呢個氣氛令佢哋成長。呢段時間常規賽打咗10幾場，中間亦有夾住本地賽事，所以球隊都用盡方法令佢哋喺球場上Keep Fresh！」
現時「藍軍」以17戰12勝戰績位列第2，要重奪榜首之位必須於餘下3場賽事中取得全勝，射手劉子禮希望球隊打出信心：「呢幾場波唔係逐場計，係最重要嘅幾場賽事，我哋唔會話對榜尾就放鬆，上次交手只係險勝，馬來西亞飛龍換外援後亦未對過，所以都係硬仗，希望打番出信心同水準。」他又指教練艾度托利斯已向球員分析防守漏洞，未來會加強每個位置的侵略性，更注意孭位去嚴防敵軍衝搶籃板。值得一提的是，ABL外援交易限期經已截止，意味香港東方很大機會以原班人腳迎戰餘下所有賽事。