黃威征北韓：等睇我哋創歷史！

信心大咗唔怯場

曾因受傷錯失世界盃外圍賽機會的黃威表示：「上次世界盃外圍賽受傷，今次踢亞洲盃外圍賽都算係自己第一個大賽，自己喺之前幾場波都學咗好多嘢，以前自己代表港隊踢友誼賽都會怯場，今次自己喺港隊信心大咗好多，已經準備好晒！」

今仗為決定亞洲盃出線的生死戰，黃威期望爭取勝仗：「正如輝哥（廖俊輝）所講，作客贏到北韓，可以創造歷史。」這次將是黃威第一次到北韓，他表示「未驚過」：「雖然未去過北韓，但我諗都唔會好似人哋講到咁恐怖，始終依家個社會都好文明，應該唔需要擔心。」問及倘若取勝，會否再剷光頭，他卻有點猶豫：「睇下點啦，剷光頭幾時都剷得。」港隊昨晨操後隨即於下午啟程飛赴平壤。

陳焌鏗報道