旺角場夜戰越南清化 東方龍獅主攻搶Win

亞洲聯賽冠軍盃外圍賽第二圈賽事今晚於旺角大球場爆發,港超代表東方龍獅主場鬥越南清化,重整旗鼓的「藍衫軍」新任主教練李健和表示,期望球隊藉着主場之利,在球迷打氣的力量下,以主攻踢法盡早取得領先優勢,力爭進身附加賽,與水原藍翼爭奪分組賽的參賽資格!(Now 633周二晚8時直播)

唔諗銀牌和哥:絕不會留力

東方龍獅於月初落實由中場迪高、前鋒勞高及洛迪古斯3位外援出戰亞冠外圍賽,亞援名額則落在剛加盟的後衞井川祐輔身上。東方龍獅踢完今仗後,周六又要在銀牌賽決賽與陽光元朗爭冠,接連迎來兩仗極其重要的大戰,「和哥」稱今晚絕不會留力,並以最強陣容爭勝︰「其實每場波我哋都要盡力,由今晚到周六有4日時間休息,我覺得作為職業球員應該問題不大,絕對有足夠時間恢復。」

問到今晚有何破敵妙計,「和哥」揚言會採取主動,最理想是比賽初段取得領先,為晉級打好基礎︰「面對越南球隊,對手能力都強,不過我哋喺主場踢有優勢,所以會偏向主攻,盡量爭取較早時間入波。」

今季東方龍獅失球較多,隊長兼門將葉鴻輝坦言應付對手反攻有待改善︰「今季好多失球都係因為進攻時突然失咗控球權,畀對手反擊所致。我哋喺由攻轉守呢方面反應要加快,集中力都要加強,假如做到就可以避免好多失波。越南球隊嘅特性一向都係快速為主,前線球員技術較好,不過越南喺U23亞錦賽入咗4強,隊中有啲球員踢唔到今仗,對我哋嚟講係好消息,希望今晚爭取到勝利。」

清化「臨時拉伕」備戰急

上季奪得越南聯賽亞軍的清化,因聯賽冠軍廣南未符亞冠參賽資格而於上月獲邀參賽。新季在前羅馬尼亞足總技術總監米哈爾上任主帥後,先後簽入鋒將武明俊及門將陳寶玉兩名國腳,今次來港則僅得塞內加爾前鋒隊長菲爾一位外援,入籍球員方面則有荷蘭的高大中堅雲巴基爾在陣。米哈爾指僅於4周前才開始備戰,狀態較難建立,惟希望球員在越南於U23亞錦賽打入4強的刺激下,與主隊踢出精彩一仗。