對於傑志新一季的展望，保連奴就充滿信心，指球隊能以「不變應萬變」︰「改動不多係傑志嘅優勢，球員同教練都好清楚球隊嘅打法，我哋亦專注為奪標而戰，其他球隊要擔心我哋嘅實力，而唔係我哋去為對手而憂心。」
足球員職業生涯甚短，保連奴經歷過嚴重傷患後，更明白箇中道理，開始未雨綢繆︰「我仲未完全知道掛靴後想做啲乜嘢，應該都係同足球有關嘅工作，但我都嘗試踏出咗第一步，去考取教練牌，咁到時真係想教波都已經建立咗一定嘅基礎。」