李志堅望大埔開花結果
李志堅與「堅家軍」的故事，幾乎每季循環更新，從14年前大埔地區幼苗計劃說起，到丙組踢上甲組的深水埗、橫濱、澳滌、再到香港飛馬去季加冕雙冠王。完了吧，如無意外？今季過檔和富大埔掌帥印，返回故事起點卻人面全非，未忘初心的「堅Sir」已為下季組軍做好準備：「種盆花出嚟都想睇佢開花！」好夢未圓，還未是時候畫上句號。
「起初知道要教細路仔都有啲抗拒，不過佢哋好醒目好精靈。」每次說起與昔日弟子的相處點滴，李志堅流露的疼惜笑容，騙不得人，縱然不是親爸爸，長憂九十九的着緊，依然寫在臉上。豈料去季領軍香港飛馬奪雙冠，卻是各散東西的新開始。「本來都諗住就咁退落嚟，畢竟班球員開始大。不過咁啱大埔升班，贊助商亦願意支持，試吓可唔可以再走遠啲。」堅Sir與「堅家軍」結緣於14年前的大埔地區青苗計劃，如今留下並肩作戰的，只餘黃威、李嘉耀、馮慶燁及後期加入的陳俊樂。那些年說他「綁住啲仔」的閒話還流傳不息。自言連facebook也不看的堅Sir慨嘆：「咁大個仔仲輪到我幫佢揀咩！每個選擇總係有得有失，好似燁仔（馮慶燁）今季Keep住上陣，黃威同嘉耀夠膽不斷突破，如果踢大球會未必容得下你犯錯。」
帶兵解下「嚴父」枷鎖走專業
日前公布的亞洲盃外圍賽港隊初選陣容，黃威、李嘉耀、陳俊樂均有入圍，無奈本土幫還需與入籍猛將抗衡。堅Sir為港隊教練金判坤的處境感同身受：「教練要為成績負責，我可以做嘅就係喺球會畀機會，踢到佢哋有信心，頭幾季年年護級，你估我冇壓力？如果你自知唔夠人撼都唔去練好力量，咪惟有認命唔好怨。」足球還需管理學，做生意出身的堅Sir自言還在不斷學習，看着昔日小孩逐一長大，他也學會解下「嚴父」枷鎖：「早兩年我仲係管得好嚴，出外集訓唔准夜晚出房，卻激起後生仔反叛心理。呢兩年學識咗要用番職業球員模式對待，亦慶幸有唔少經驗球員從旁幫手，唔好睇黃耀富個樣玩玩吓，其實佢好有耐性教導年輕球員。」
鍾情執教仍堅持
和富大埔今季兩闖盃賽4強，自言是執教以來最開心一季的堅Sir，已着手為下季組軍籌備。曾經疲憊仍堅持，卻非為啖氣：「我唔使向人證明自己，亦唔會講到自己好偉大，我只為滿足自己，你種盆花都想睇佢開花結果。」花開花落自有時，可會在大埔「有始有終」？堅Sir笑而不語，只可以肯定，「堅家軍」的故事，還在繼續。