on.cc東網直播總決賽Game 4 南華Vs東方 王者之爭關鍵一擊
甲一總決賽Game 4今晚爆發，究竟是南華再下一城，重奪失落2年的王者寶座，還是東方反擊成功，將紅藍大戰帶入Game 5一決勝負？今晚新伊館大戰話你知！南華失落今季常規賽冠軍，反而增添球隊動力，對總決賽冠軍至在必得，悍將惠龍兒更希望在衝出香港前捧盃寫靚個履歷；東方今季以升班球隊之姿殺入總決賽，全季表現出驚人韌力，亦想奪冠創造歷史，2軍短短4日內連戰2場絕對是大考驗，今晚激戰豈容錯過！（on.cc東網周四晚8時直播）
羅意庭搶盃撐Duncan選秀
羅意庭全面回歸，惠龍兒（Duncan）衝出香港前最後一個奪冠機會，南華對今季總冠軍極級渴求！身為本地籃壇班霸，「紅軍」今季步入收成期，一班球員夾出默契，加上「阿庭」由CBA回歸，難怪南華衝冠備受看好。
開季氣勢如虹，但南華在常規賽不敵永倫失落冠軍，幸反彈及時更殺入總決賽。「紅軍」現時總場數領先2比1「叫胡」，但主將羅意庭對自己和球隊的表現並未滿意：「球隊未發揮出最佳實力，仲有好多細節嘢可以改善。」他亦坦言總冠軍的寶座就是終極目標！
阿庭寄語隊友信自己
除了想重奪失落兩年的總冠軍外，「紅軍」眾球員亦分外努力，希望能以完滿的球季歡送即將在暑假挑戰CBA的隊長Duncan。「我都希望拎埋冠軍，等Duncan再去挑戰CBA！」身為CBA前輩，「阿庭」希望今季有個完美的結局。
羅意庭上場被逐，表現亦未見突出，但其實「阿庭」一直是球隊支柱，賽前他就有說話想對一班戰友說：「大家都要相信自己，其實我哋每一個都可獨當一面。今晚Game 4放膽打，冇顧忌、冇壓力咁打，一齊拎個冠軍返嚟！」
方誠義不妥協還以顏色
以全港首支職業球隊之姿殺入甲一，回顧東方男籃今季經歷，絕對可用「高潮迭起」來形容。首場銀牌賽在被看低一線下，憑超強士氣最終反勝永倫，本季首度登場已經投下震撼彈，至今仍為球迷津津樂道。及後經過整季拚搏殺入總決賽，面對銀牌及常規賽都曾擊敗過自己的宿敵南華，雖然先失1場，但第2場有鄭錦興「擔大旗」救駕，打出今季代表作。東方男籃由常規賽不被看好，到「過完一關又一關」，整個球季展現驚人韌力！雖然現時落後於南華，但要他們就此放棄，絕不是東方男籃的風格！
落後未氣餒決心追平
「藍軍」得分點平均成為他們的優勢。但要數球隊今季最突出球員，肯定是大前鋒方誠義。無論得分、籃板或搶截，表現都非常穩定，對於G3一仗失準，他亦坦言感到失望：「自己太進取，好想去偷波、封阻，唔畀南華入波，加上唔夠集中，對自己都好失望。」激戰失利方誠義並不沮喪，更誓言G4還以顏色：「自己喺球隊個位置都重要，但幫唔到手搞到輸波，不過全隊冇氣餒，我哋有信心贏番！」東方男籃眾志成城，加上球迷支持，誓要將系列賽帶入Game 5終極戰！