點解我哋成日都要表揚成功人士呢？原因係可以為社會帶來正能量，亦作為一個模範，畀後輩以此為目標，從而培育出更多成功人士！而喺日本電視界同寫真界兩邊都發展順利嘅脊山麻理子，就成功咁為我哋寫真迷培育出一位巨乳美人，佢就係塩地美澄喇！
所謂人有相似，喺日本AV界同寫真界都發現唔少女優生得非常似樣，例如AV女優夏目愛莉同超人氣嫩模最上Moga有9成似，除咗佢哋之外，近期備受關注嘅寫真美人塩地美澄亦同一位經典AV天后無論樣貌同身材都好相似。
塩地美澄今年已經33歲，作為寫真女郎可能年紀大咗少少，但係若論青春活潑氣質，卻一點都唔會輸蝕畀班後生女。阿妹天真嘅笑容、五官同面形相信令唔少AV迷覺得似曾相識，就係同已經退出AV界嘅天后級乳神麻美由真十分相似，兩人十足一對姊妹咁。除咗樣似之外，身材亦同麻美由真一樣咁激凸，胸前對脹卜卜巨乳達到G Cup咁勁，不過美澄就有5呎6吋高，比麻美由真高差不多半個頭，外形更加吸引。
美澄於今年初推出寫真集《迷惑》正式出道，不過喺11年前阿妹已經踏足寫真界。當年佢就讀北海道札幌北高中嘅時候，性格開放鮮明，加上身材激凸，被邀請參加選美活動「Miss北高」，初次展露誘人身段。不過，當時美澄對拍寫真興趣不大，以學業為重。喺小樽商科大學畢業之後，美澄去到秋田朝日放送電視台擔任報道員，負責報道新聞資訊，同時做埋採訪工作，由於美澄成日都面帶笑容，形象充滿陽光氣息，相當受歡迎。
2014年美澄突然辭職，原因係老父病重，需要更多時間照顧對方，可惜美澄爸爸冇幾耐就仙遊。傷心過後，佢回歸到報道員崗位，後來受到同樣係報道員出身，兼職做寫真女郎嘅脊山麻理子所啟發，於是解放激凸身材，G奶一露火速令美澄廣受注目，更被冠上「東北第一美人報道員」之名，厲害！
年齡：33歲
身高：5呎6吋
三圍：35G-24-34
簡介：塩地美澄經常將工作花絮透過博客同大家分享，想知道阿妹喺鏡頭背後搞乜鬼？咁就要Click上去睇睇喇。
網址：http://ameblo.jp/shiochi-misumi/
撰文：賢