問：20年來自己最大變化係咩嘢？
生活囉！以前係運動員，依家做咗全職媽媽，要諗好多嘢，要考慮好多，世界上冇一本教人點做阿媽的書，要自己去摸索，難過做運動員好多！
問：有咩係一直都無變？
我諗係自己一個正面形象，好難可以做自己鍾意做既嘢，別人認同，我會KEEP住，好多人都會用捷徑，但我做任何嘢都係循規蹈矩。
問：近年香港好似有啲混亂，你點睇？
我講講個人意見，96年我攞奧運金牌，冇諗過自己可以帶到咁大的正能量畀香港人，當時97將至，好多人好徬惶，回歸喎，要移民嗎？但當年有個傻妹攞到一面奧運金牌，成個香港哄動，以前好多人話攞奧運金牌？咪發夢啦！但真係有人做到，只要大家認同一件事，大家同一條心，就可以帶動社會。
問：你曾經講過養一個小朋友要400萬，依家係咪都無變？
我覺得400萬唔夠，但每個人都唔同，或者係香港升學都算足夠，但我覺得最緊要係親子，錢唔重要，質先係最緊要。
問：你希望囡囡可以係你身上學到咩？
堅持。當你決定要做，就要堅持做落去。
問：你依家仲有夢想嗎？
有，目前當然係照顧囡囡，等佢哋上咗中學，我希望自己可以讀番書，讀我最想讀的會計。