末永美優 纖巧好運王

好多人都話成功需要七分本領同三分運氣,個人認為運氣好重要,歷來日本寫真界都有唔少超優質女優,之不過硬係唔能夠大紅大紫,當中原因可能係欠缺運氣。至於末永美優有甜美笑容以及婀娜纖巧嘅身材,有占算師預測佢今年鴻運當頭,前途一片光明呀!

活力爆燈

無論遇到任何困難事情,小弟我都唔會愁眉不展,依然會笑吟吟咁面對,因為咁至可以發揮出正能量,當然亦因為聽過師傅話成日苦瓜乾咁嘅面口,有運都會趕走,唔知係咪因為成日都笑得又甜又靚,末永美優嘅運氣至咁好呢?大家快啲學吓佢喇!

今年20歲嘅美優天真又可愛,從其蘿莉系嬌俏面孔上就可以見到阿妹成個人充滿活力,有佢陪住真係去到邊度都有陽光!美優被歸類為蘿莉系,同時業界亦稱阿妹擁有嘅身材屬於「終極蘿莉系體形」,原因除咗係美優肌膚鮮嫩白滑又夠剔透,仲因為阿妹身高有5呎4吋之餘,胴體相當纖巧,三圍只得30-22-31,但係瘦得嚟絕對唔會骨瘦嶙峋,且帶有一種誘人曲線美,再肥啲又或者再瘦啲都會令吸引力大減,唔怪得被稱為終極型喇!

行運一條龍

末永美優現時得20歲可以話係日本寫真界最年輕嘅女優之一,之不過阿妹早喺5年前,即係喺佢15歲讀緊中三嘅時候就已經拍攝第一部寫真DVD,截至今年4月大大話話都已經推出過22部作品,除咗反映出美優嘅青春魅力甚得各界支持,更加顯示出阿妹其實幾夠運氣,因為同類型嘅妹妹仔實在有唔少,而美優能夠成功突圍確係需要有實力同運氣。

話美優有運行嘅另一個原因,係佢喺2013年以17歲之齡參加選美比賽,當年實力出眾佳麗有唔少,而美優卻成功從99位入圍佳麗當中突圍,仲擊敗靚女又好波嘅濱田梨由奪得冠軍,又一次證明阿妹行運行到落腳趾尾。今年美優亦鴻運當頭,年頭獲得一位占算師批佢係今年眾多寫真女優當中最好運,之後仲躍升成為特攝超人片集《超電光Spankle Z》嘅女主角,睇嚟美優嘅未來事業必定一帆風順喇。

末永美優 Profile

年齡:20歲

身高:5呎4吋

三圍:30-22-31

個人博客

簡介:末永美優係女子組合DokiDoki☆夢學園成員之一,周不時會隨組合四圍登台演出,喺美優嘅博客會透露相關情況,想知道阿妹又去咗邊度表演,就可以Click上去睇吓。

網址:http://ameblo.jp/suenagamiyu

撰文:賢