加納特阿蘇上身

籃網今戰受制於公牛的嚴密防守，難以找到輕鬆得分的機會，全隊投球命中率只得37.2%，而外圍更加是慘不忍睹的14射2中，完全係「冇啖好食」。

相反，公牛就有占美畢拿及加素合共轟入51分，而過去15次對籃網都未有上陣的戴歷羅斯，今場亦貢獻了14分及6個籃板。公牛最終以18分之差大勝，但賽後焦點就圍繞住加納特於賽事期間想扮巴塞隆拿前鋒「咬人蘇」蘇亞雷斯，「作勢」咬公牛中鋒諾亞的右手。

賽後辯稱純屬搞笑

今戰摘下10個籃板的諾亞賽後接受訪問時，笑着回應事件：「加納特想咬我，講出口都覺得黐線，我都唔知講咩好。」至於主角加納特被問及是否真的想咬諾亞時亦笑說：「我知點咬人，當時我好明顯係想搞吓笑。如果我真係想咬佢，我會學泰臣（前美國拳王）囉！」籃網明日將會作客以79比86不敵熱火的紐約人，上演「紐約打吡」。

（中央5台周三早上8時30分直播）