香港「德」粉意忘形

周一凌晨3時開賽的王者戰，港、九、新界多個商場都舉辦睇波騷，萬千粉絲湧到商場歎住冷氣睇波，東九龍至hit「蒲點」觀塘apm商場，更加準備了決賽隊兩國特別美食，包括阿根廷鬆餅，以及德國大肉腸，陪球迷一齊睇波。有德國在港留學生Louisa披上德國國旗、畫「花面貓」隔空打氣，見證德國24年後再捧大力神盃。而幾個穿着波衫的男學生更聯袂睇波，迎接文憑試放榜。

德國靚女留學生Louisa（左）也來為自己的祖國打氣。

阿根廷末段失守，傷盡一眾支持者的心。

美斯球迷淚未「廷」

至於香港德國足球之友，則在飛龍足球場book場睇直播，逾百球迷帶齊打氣「架生」，連同兩位本地足球評述員劉舜文及強尼，一齊嗌、一齊叫喊，個個玩得過癮，當德國最終捧走獎座，一眾die hard fans的情緒更高漲，相反，在灣仔酒吧睇波的阿根廷香港球迷會，因為球隊最終失守，fans都表現失望，完場後更有女fans當場落淚，而男球迷都擁在一起互相安慰，場面感人。