渡海濠情:巴西出局 性趣全失

講到今屆世界盃最令球迷痛心嘅球隊,一定係巴西,睇住佢甩甩漏漏咁殺入四強,仲以為佢可以再下一城,點知畀人大炒七比一,粉絲們真係一殼眼淚,嚟自大富豪桑拿嘅阿玲,佢就話為咗巴西喊足三晚。

靚仔球星

阿玲話:「自小就好喜歡巴西隊,因為佢哋每個球星都腳法一流,扭波扭到好似跳舞咁樣,真係令人賞心悅目,今年仲有我最喜歡嘅靚仔球星尼馬,真係信心十足,講番靚仔,我仲非常喜歡爆炸頭馬些路,雖然點睇佢都唔算靚仔,但佢個爆炸頭就十分討好,真係愈望佢就愈可愛,慢慢更喜歡佢多過尼馬。此外,尼馬喺早輪嘅比賽受傷,睇住佢畀人踢傷抬出場,我真係戥佢難過呀!好彩經醫生診斷後證明佢只係受咗輕傷!」

喊咗出嚟

對於畀德國大炒佢七比一,你又點睇呢?阿玲話:「冇眼睇囉!嗰晚四強賽我又飲雞精又飲咖啡,終於等到四點開波,點知打咗冇耐就先輸一粒,以為佢哋會打番好啲,點知轉頭又畀人入多一粒,跟住兵敗如山倒,我真係冇晒反應,睇直播見到啲女球迷喊晒,我即時都忍唔住喊咗出嚟,就算到最後入番一粒我都笑唔出聲,之後連續三晚都喊到瞓唔着覺,最後連性趣都冇埋,男朋友仲以為我患上性冷感添!」

阿玲Profile  

年齡:20歲

三圍:35-24-35

撰文:小德

攝影:阿德