狂數湖人快艇史上贏得最盡

基斯保羅上季率領快艇於常規賽橫掃湖人，亦係兩隊共用斯台普斯中心作主場以來首次，同時更助球隊贏得史上首個分區冠軍。正因基斯保羅帶領快艇打出驕人成績，大會決定將他評為年度最佳運動員。頒獎禮上基斯保羅表示自己已愛上洛杉磯，在這裏打波可說是夢想成真。

基斯保羅以行動反擊挑釁

湖人昨仗主場迎戰快艇的打吡戰，賽前有湖人球迷高舉一面繡有所有冠軍紀錄的紫金旗挑釁基斯保羅，指湖人贏到16個總冠軍，快艇沒有歷史冇資格於洛杉磯打波。基斯保羅起初未有理會，但對方愈罵愈起勁，令基斯保羅終於忍不住還擊，轉身高喊：「呢啲冠軍有幾多個係你有份，睇睇我今晚點樣玩殘湖人啦！」

揚言「百倍奉還」的基斯保羅講得出做得到，於昨仗打吡戰貢獻13分及11次助攻，加上其餘7位隊友都取得雙位數得分，協助球隊以142比94、48分之差狂勝湖人。湖人今場輸波除創造球隊史上最大輸波分差及主場最大輸波紀錄外，亦係快艇史上最大的贏波紀錄。快艇現時氣勢如虹，明早續於主場迎戰鷹隊有望再下一城。

（now 635周日早上11時30分直播）