渡海濠情：男女口音相近 互相吸引
最近加拿大有大學嘅語言學家指出，異性相吸除咗考慮外貌人品之外，雙方口音和語調相近，互相吸引嘅機會就會大增。嚟自9號會所嘅童童就話，男朋友千祈咪好似佢把聲喎！
冇嚟火氣
童童話：「事關我天生有把『雞仔』聲，單聽把聲，好多人仲以為我係小朋友，所以索性叫我做童童，女仔有把『雞仔』聲，人哋都仲覺得你好可愛，但如果男朋友都同我一樣有把『雞仔』聲，咁真係唔知點算，事關擁有『雞仔』聲嘅人，就算鬧人時都係冇嚟火氣，有時被鬧嘅人，仲會愈聽愈覺得好笑添，你話同佢拍拖，若然唔好彩遇上打劫，佢用『雞仔』聲大叫『停手』，講咗等於無講，真係令人一啲安全感都冇！」
身心興奮
咁你最想擁有乜嘢聲線嘅男朋友呢？童童話：「當然係沉厚雄渾嘅聲線啦！有必要時一句『停手』或者『放開佢』，出嚟蒼勁有力，咁至有男人味，女人至感覺到安全感吖嘛！而且聲音沉厚嘅男人，大多數都體力過人，喺床上嘅表現亦會十分出色，唔怕同你講，我喜歡猛男型嘅男朋友，如果加上沉厚嘅聲音，咁真係冧死人，未開始都已經身心興奮，但如果眼前嘅猛男換上一把『雞仔』聲，咁我真係接受唔到囉！乜嘢性趣都冇晒呀！」
童童Profile
年齡：21歲
三圍：34-23-34
撰文：小德
攝影：阿昌