杜域侯活有望拍J.Lin

眾所周知紐約人垂青聯盟第一中鋒杜域侯活已久，早前就傳過佢哋希望用史杜迪米亞加上贊特拿，「雙塔」換取「魔獸」，但由於魔術對「A米」興趣不大，所以一直傾唔掂數。不過據《紐約郵報》報道，基於紐約人近期都係靠林書豪「食胡」，反而領袖安東尼復出後毫無佳作，為免「甜瓜」阻礙「林瘋」發展，球會已願意放走「甜瓜」，若然有安東尼加上贊特拿作交易條件，魔術大有可能放人。

未決定代表中國隊

另方面，J.Lin日前在明星賽周末再被問到會否代表中國男籃出戰，不過佢嘅答案同之前一樣，都係「未決定」，呢位「人氣王」表示打埋今季，夏天先至決定國家隊路向。