最近同朋友去龍會玩，飲咗成晚酒，覺得有啲唔舒服，服務員見我面青青，即刻介紹我飲燉湯補一補，問佢有咩湯款選擇？佢一口氣噏咗幾款，其中一款淮山杞子燉響螺頭湯最引起我興趣，而且聽服務員講話具有養腎補肝，護脾健胃功效，成日捱夜嘅人飲就最啱，於是我柯打兩盅，同朋友一人隊一盅。服務員送到入嚟，一揭盅真係芳香撲鼻，材料仲有十幾款，加上瘦肉同響螺，絕對係足料炮製，入口清甜美味。服務員表示：「我哋用乾螺片煲湯，同時又放咗啲新鮮響螺落去吊味，所以味道零舍唔同。」睇嚟呢度嘅廚師唔止有心思，對食材亦十分講究，而我哋將湯一飲而盡，即時精神百倍，再帶囡囡上房大戰三百回合都絕對冇問題，每盅盛惠140大元。