男人之所以去滾，單憑本性兩個字嚟解釋未免太過空泛，如果深入啲去睇嘅話，仲有貪新鮮、搵刺激、發洩慾望同床上征服高質素女性等嘅原因都有。除此之外，偷嘅快感亦係其中一個重要嘅原因，試諗吓，如果畀佢光明正大咁食，食完之後再逼佢食，食到佢飽飽滯滯，睇怕佢以後都唔會有興趣去玩。
喺以前內地夜遊業興盛嘅日子，夜遊業界人士嘅分工其實好簡單，除咗燈頭，就係囡囡，前者負責搵女同管理，後者只需要好好服侍客人就得。不過隨住內地吹起嚴打風一段時間，夜遊業又轉到網上搵客之後，佢哋嘅分工變得愈嚟愈專業同仔細，好似浙江杭州嘅富陽咁，最近當地公安展開大規模嘅掃黃行動，對當地嘅大型酒店及出租屋進行檢查，結果不但抓獲從事色情服務嫌疑人16名，更揭開佢哋分工有幾咁細緻嘅內幕。其中一位色情集團成員指，佢哋嘅工作分為燈頭、放哨同囡囡，燈頭負責營運手機通訊App、將囡囡性感相上載並定期更新、同玩家接洽，當玩家去到指定嘅酒店後，放哨人員會上前迎接，並帶玩家到酒店，玩家上到所屬樓層，便會見到囡囡已經企喺（車立）口等候，跟住齊齊入房享受服務。據參與行動嘅警員指，由於放哨人員嘅警覺性好高，仲要分布喺酒店附近嘅出入口位置，令行動相當困難。
以前睇西片中嘅盜寶戲，巨型畫作後面總會藏有一條通往密室嘅通道。不過大家咪以為呢啲情節，只會出現喺電影入面，原來台灣真係有色情場所咁做（口架）！位於台南嘅一間色情SPA按摩店，以一幅畢加索名畫《拿着一本書的女人》作為暗門，玩家畀800新台幣（約200港元）費用後，便可以開門進入，經過通道去到供玩家曳曳嘅暗房。此外，由於呢間按摩店設有免費停車場，故此開業超過4年，仍然未被有關當局發現。既然佢掩飾得咁好，點解仍然會喺今個月初被有關當局查獲呢？原來係同佢生意太好有關。由於佢開設喺住宅區，不分日夜都有大量玩家出入，令住宅區嘅居民相當困擾。雖然之前曾經被掃蕩一次，亦關門咗一段時間，但冇耐又再開門營業。今次被居民舉報，警方再次出動，結果當場逮捕2名小姐及2名玩家，而李姓負責人亦被逮捕歸案。
試問有邊個男人唔貪新鮮呢？好似日本玩家每次到風俗店焦點總會落喺一眾新入行嘅風俗孃身上，故此位於池袋嘅「H」字頭出張風俗店，就推出玩家最愛嘅玩法，就係「素人試訓出張服務」。其實以前嘅出張風俗店，為咗令新進風俗孃知道服務時嘅規矩，同埋可以提升工作經驗，曾經有過試訓環節，喺佢哋為期約兩個星期嘅試訓期間，每次出張服務都會有個經驗風俗孃跟隨，由於收費唔貴，故此有唔少玩家樂於做訓練員，而呢間風俗店為咗保持質素，便決定重推呢項服務。據負責人表示每日約有10名女子應徵，佢哋從中挑選年約18至20歲及約半數人，即取錄5位做風俗孃，然後安排佢哋實習。有啲玩家稱呢種玩法聽得多卻未試過，試完之後覺得自己可以參與訓練過程，玩得更有投入感之餘，最重要係呢班素人嘅服務雖然業餘，卻可以畀到佢一種新鮮感覺。不過話時話，以前內地嘅桑拿都有呢種試訓服務，唔知佢哋係咪抄橋呢？
撰文：魂