明星賽花絮

格芬勒邦占士入樽攞彩

明星賽前盛傳會在入樽賽PK嘅格芬及勒邦占士，因兩人都冇參賽，結果就在今場大騷入樽！其中格芬最癲，首節5次起手入10分全部係入樽所得，而佢全場則交出8次入樽。至於「大帝」亦都唔弱，其中大風車背樽更令人嘆為觀止。

魔術莊遜重遊舊地觀戰

湖人名宿魔術莊遜在91年尾公布患上愛滋病被迫提早退休，佢在3個月後回歸賽場參加了在奧蘭多舉行嘅92明星賽，並獲得了MVP。當時「魔術手」表示會與病魔抗爭，結果廿年後今天，佢仍能重遊舊地觀戰今屆明星賽。