難得聖誕節飛到洛杉磯比賽，熱火就在賽前喺荷里活大搞私人聖誕派對，並由「大帝」一手策劃。今次聖誕P邀得美國著名R&B歌手Tank作表演嘉賓，佢同「大帝」嘅「Chok樣」大頭相，都被印在邀請海報上。
此外，占士已委託一間市場推廣公司籌備其26歲生日會。本月30日生日嘅占士，將於邁阿密酒店舉行一個以「宮廷式國王慶典」為題嘅生日會，並希望各贊助商能贊助50萬美元。
波神細仔奢華開P
除熱火開P之外，「波神」米高佐敦嘅細仔馬庫斯佐敦亦喺日前舉行20歲生日P，不過唔少傳媒就繼續針對佢大花筒性格，踢爆「神之子」單係預備香檳已豪花一萬美元！由於美國規定年滿21歲先能夠飲酒，所以大部分參與派對人士都已經違規！