球迷掟樽！飛馬贏屯門曾停數分鐘
甲組聯賽昨日分兩地上演兩場，南華作客以2比1反勝大埔，與榜首傑志同得16分，天水圍飛馬則在元朗主場以2比1擊敗屯門，飛馬射手伊達射入第二球後走向屯門球迷看台面前慶祝，屯門球迷投擲水樽，令賽事停頓數分鐘，賽後仍有火藥味。
南華反勝大埔2:1
大南之戰吸引超過二千人入場，大埔Babe亦添新成員，繼Lulu及Crystal後，再有靚女小魚加入，而球隊亦表現醒神，開賽數十秒即憑安杜攻破南華大門領先1比0。南華在38分鐘由剛隨熱刺試練歸隊的郭建邦扳平，並在86分鐘由史高斯射入奠勝一球，反勝2比1。由於兩名巴西外援艾維斯及卡里祖表現欠佳，南華有意在一月轉會窗重開時另覓人選代替。
飛馬對屯門之戰，實力較佳的飛馬在32分鐘由李康廉博得十二碼，伊達操刀射成1比0，52分鐘謝思利達為屯門扳平，但屯門在81分鐘有張志豪領紅牌，82分鐘，李康廉再博得十二碼，伊達再次操刀建功後，卻走到屯門球迷面前慶祝，蓄意挑釁，屯門球迷向飛馬球員投擲水樽，令賽事一度停頓，而兩名屯門職員因不滿球證判決被逐，比賽亦在一片爭議聲中結束，飛馬最後贏2比1。屯門輸波後心有不甘，有職員高呼「我哋返屯門再炮製佢！」，球迷熱烈回應。