拿殊客串做記者採訪世盃

眾所周知鳳凰城領袖拿殊係一個足球狂迷,而佢現時亦係美國甲組聯賽球隊溫哥華白帽嘅班主之一。亦因為咁,CBS運動頻道就睇中拿殊對足球嘅熱愛及知識,決定邀請佢當星級記者,親赴南非採訪,並會將採訪內容即時放上網站CBSSports.com。

另外,拿殊今次更會大打人情牌,搵番佢一眾老友如亨利及卡卡等球星製作過癮特輯。至於總決賽Game 3今早返到塞爾特人主場舉行,賽前皮雅斯豪言唔使再去洛杉磯,暗示綠軍可以再贏三場,以四比一擊敗湖人封王。 ■本報綜合報道