德州大戰Game2馬刺追牛
「德州大戰」第二回明早上演，西岸二哥小牛繼續主場戰馬刺。馬刺深明小牛中鋒丹比亞罰球差，所以首戰即採取「Hack a Shaq」戰術，務求減低小牛得分力。丹比亞賽前就刻意苦練罰球，希望可以改善命中率，但臨急抱佛腳向來冇好結果，馬刺戰術有可能再度奏效。（廣東體育周四早上9時30分直播）
Hack a Shaq煩到丹比亞
當年老尼爾遜因為針對奧尼爾罰球命中率差而創立「Hack a Shaq」戰術，以犯規來減少其投籃機會，估唔到馬刺教練普波維治會用喺對小牛身上。雖然馬刺首戰輸波，但球隊嘅「Hack a Shaq」戰術尚算奏效，丹比亞罰球12投僅5中，命中率得四成左右。丹比亞明戰賽前就專程苦練罰球，仲話自己射50球中47球添，所以佢叫馬刺放馬過來，繼續採犯規戰術。
其實馬刺上場只係僅負小牛，加上柏加剛傷愈未列正選，所以球隊未算打出最佳狀態。馬刺向來季後賽特醒，所以明早唔可以睇小呢班老將。
L48