二○○九年非洲足球先生得主會於本月二十五日揭盅，非洲足協早前已率先公布最後五強名單，結果巴塞隆拿施度基達及耶耶托尼得票較低被淘汰，剩低杜奧巴、艾辛及伊度奧角逐殊榮。三人之中只有艾辛未攞過呢個獎項，伊度奧喺○三、○四及○五連續三屆奪獎，杜奧巴則係○六年得主。

伊度奧４冠在望

現時伊度奧和韋亞、艾比迪比利都係奪獎次數最多嘅球員，如果伊度奧當選將會成為首個四冠王。伊度奧○九年協助巴塞隆拿勇奪西甲、歐聯、西班牙盃冠軍，係球隊成為六冠王嘅功臣之一，因此奪獎呼聲最高。