今年NBA明星賽破天荒移師到NFL牛仔隊賽場舉行，預計至少有九萬人入場，小牛班主古班更揚言人次會超越十萬，成為歷年之最。

魯域斯基為市民塗漆，間屋仲唔升值？ （美聯社圖片）	占士從容面對「咪陣」。 （美聯社圖片）	昔日宿敵奧尼爾（左）與已退役的莫寧碰頭，後者身形甚弗。（美聯社圖片）

東岸星光蓋西岸

可惜今屆賽事撞正傷患潮，難免略為失色，尤其西岸明星隊已有基斯保羅、萊爾及高比拜仁退賽，因三人均屬後衞，縱然及後補選了比立斯及傑特兩名控衞平衡實力，但兩人盛年已過，根本難與高比仔及「蜂王」相提並論。

再者，東岸明星隊明顯較為當打，就好似正選名單中已有三名「夢八」成員，包括勒邦占士、韋迪及杜域侯活，此外仲有保殊喺後備，論默契一定較佳。回到家鄉達拉斯嘅保殊就話：「能夠與夢幻隊隊友再度聚首實在開心，我總是喜歡與他們相聚，懷念京奧奪冠時刻。」除保殊之外，迪倫威廉士及比立斯嘅家鄉都位於達拉斯。

前五十八次NBA明星賽中，東岸亦佔上優勢，三十五勝廿三負，而近四屆賽事雙方輪流奪標，西岸上季大炒東岸廿七分，照攤路計今屆錦標好大機會重返東岸手中。

魔術手莊遜（右）與昔日入樽王韋健士出席名人堂活動。 （美聯社圖片）

放大圖片