雖然有銀彈、有理想，並在政界身居要職，但林大輝亦不能隻手改變世界。但他絕不妥協，故決定辦學、入主沙田，要逐步逐步打造理想烏托邦，用以回饋社會。
「本地教育只專注傳統教學，白白埋沒了不少人才。時裝設計、IT、體育都屬新興行業，呢啲專才要有進修渠道，所以我創辦林大輝中學，設專科讓佢哋修讀，未來才有出頭天。」
至於沙田，亦是他致力改善本地體育風氣，推動地區、青年足球的工具：「我三年前由乙、丙組開始搞沙田，就係希望帶動社區體育文化，讓青少年有活動及職業空間。今季沙田升班成績未如理想，我冇失落，因為我係為推動社區足球而奮鬥，而唔係爭冠軍攞威。如果今季不幸降班，沙田會從頭做起，力求地區能制度化，到時哪個接班都可以繼續生存運作。」