今季大改革嘅「壞孩子兵團」活塞，經歷半季後似乎已證實失敗，活塞尋日作客芝加哥以87比120大敗於公牛手上，繼九三至九四球季後，十七年後再嘗13連敗，球隊士氣可謂跌至近年最低點。

活塞季前先後簽入哥頓、維蘭紐華及賓華萊士，但三人經歷半季後，表現都未算突出，尤其係被寄予厚望嘅哥頓，更不時受傷患困擾而未能上場。活塞尋日作客芝加哥雖有哥頓復出，但表現仍持續低迷，尤其係第三節更被公牛單節拋開14分，最終公牛以120比87大勝一場，創下今季得分新高，而輸波嘅活塞就嘗到13連敗。

金塊球星基斯安達臣（右）搶籃板甩手，乜咁失威呀！ （美聯社圖片）

太陽控衞拿殊（中）慘被公鹿球員包夾。 （美聯社圖片）

前籃網中鋒誤殺罪成

活塞對上一次錄得13連敗，已經要數到十七年前九三至九四球季，公牛控衞軒域治表示：「我明白活塞的戰績非常不幸，但這是一個艱苦的聯賽，沒有人會可憐你。」事實上活塞現時總成績為11勝25負，已跌至東岸倒數第二位。公牛今場表現最佳係鄧格，獨取全場最高27分及搶下6個籃板，而戴歷羅斯亦貢獻22分及交出9次助攻。另一方面，已退役嘅前籃網中鋒積臣威廉士承認開槍誤殺其司機，將會至少入獄十八個月，而最高刑罰可達十年。

本報綜合報道