港隊冇試場食唔飽點夠砌
廣州亞運男子足球賽今日搶閘開鑼，進行分組賽。香港隊首天賽事亮相，在花都體育場火併E組實力最強的阿聯酋，廣州對港隊來說算是半個主場，但賽會安排場地練習混亂及飲食唔啱胃口，打亂港隊陣腳，昨日甚至沒有到花都視察比賽場地，令港隊爭勝難上加難。
阿聯酋實力強勁，並一早到廣州備戰，早前與中國踢熱身賽打和一比一，港隊出發前已定下今仗以和波搶一分為目標，球隊亦能以較完整陣容迎戰，陳偉豪與郭建邦均傷愈復出，其餘位置與本月二日熱身賽對南華時相若。
然而，賽會的安排卻令港隊有點不知所措，教練曾偉忠表示：「昨日原定可到花都體育場視察環境及操練，但到中午賽會卻突然說不許操練，由於花都距離選手村個多小時車程，為免浪費時間，我們選擇到另一個球場練習，但這時候賽會又安排不到大巴。」港足最終改到禺山中學練習，比賽前才有機會到花都體育場視察。
選手村餐飲唔啱胃口
另外，選手村餐廳的飲食竟然唔合港隊球員胃口，「招積」曾偉忠無奈表示：「飯堂的食物為照顧南亞及西亞人士口味，大都是烤肉，又或者非常辣，廣東菜分量太少，球員上來兩天都冇胃口，但又困在選手村無法出外。」為應付五日三仗的頻密賽程，「招積」已吩咐球員即使不合胃口，都要勉強食飽一點。
因賽會表示比賽場地內的攝影器材仍未安裝完備，今仗只能提供比賽片段，有線亦只能安排於明日（周一）晚10時30分在62體育台「2010迎戰廣州亞運」前奏節目內播放。而港隊9日及11日分戰烏茲別克及孟加拉則可即場直播。
香港Vs阿聯酋
7:00pm 地點：花都體育場