位於銅鑼灣中央圖書館的東亞運主新聞中心，昨日揭幕開放畀傳媒，主新聞中心佔地二萬呎，設於銅鑼灣中央圖書館地下，提供予在十二月五日開幕至十三日的東亞運共二千四百名傳媒工作人員使用，然而主新聞中心只得二百五十八個位，只能容納記者總數十分之一，若全部記者到齊，肯定要爭位坐。
比起奧運及亞運的主新聞中心，香港東亞運主新聞中心面積比較細小，由中央圖書館地下改裝而成，裝修費用達一百五十萬，記者位只得二百五十八個，內聯網電腦二十部，互聯網電腦只得十八部，當賽事全面展開，設備肯定唔夠用。
主新聞中心主要收入來源，就係電視轉播權，暫時只有幾間本地電視台，及部分內地電視台租用。由於係借用中央圖書館地方，賽會於摩頓台加裝多部發電機同後備發電機供電，避免超出負荷斷電死機情況發生。