少女好Talk得

眾所周知，喺尖沙嘴金馬倫道一帶有唔少上樓吧，有時喺一幢商業大廈之內，可能有成十多廿間吧都唔出奇。由於多數係斯文場，所以零舍受白領人士之喜愛。不過，有咁多選擇，確實好難取捨，而娟娟就比較鍾意去一啲有拳手嘅酒吧，多啲人一齊玩，自然冇咁悶啦！

呢次嚟到「Nirvana」，裝修格局簡潔舒服，獨立梳化位、VIP房及飛鏢機等基本設備都有齊晒。雖然場內人氣十足，但感覺唔算太擠迫，最重要係場內有唔少少女拳手同大家一齊玩。據講，呢班少女拳手都係玩得之人，仲要擁有先前提及嘅三個優點，認真抵讚。拳手Fanta聽見就話：「我覺得大家落得酒吧，無非都係想開開心心咁玩番晚，作為拳手，梗係要落力啲啦！況且客人類型眾多，有啲鍾意猜枚劈酒；有啲鍾意傾心事，所以我哋必須不斷自我增值，令自己成為猜得飲得又Talk得嘅出色拳手。」Fanta講得一啲都冇錯，始終酒吧拳手都算係服務性行業，唔想大家傾偈嗰陣九唔搭八，梗係要周身刀啦！

拳手Ange乜都傾得一大餐，而且好玩得㗎！	Why （左）、Ling（右）及Fanta（中）都係酒吧至受歡迎嘅拳手，Talk得、猜得又飲得。	酒吧環境闊落又舒服，而且人氣十足。

o靚模落吧行Catwalk

順帶一提，呢間酒吧於今晚將會舉行「特別節目」，由四位性感o靚模輪流上陣行貓步，施展渾身解數，有興趣嘅你，記得早啲去霸番個靚位喇！

撰文、攝影：娟娟