本文重點
有冇諗過喺挪亞方舟踢波！香港小型足球總會昨宣布，將於十一月一日在馬灣公園挪亞方舟內嘅挪亞運動場，舉行「港小總挪亞群星足球嘉年華」，藉此支持香港舉辦東亞運，並將小型球由灣仔修頓帶到離島，讓更多人參與。
港小總有新搞作
霍家第三代霍啟山，去年擔任港小總會長後，銳意將小型球重新包裝，加強推廣，例如今次嘅活動，喺間場時間就會加插強勁節拍音樂，以及各類型表演。「啟山」更會喺壓軸嘅表演賽親自上陣，以隊長身份帶領港小總邀請隊，迎戰由曾志偉率領嘅香港明星足球隊。
「啟山」表示，接掌港小總會長，原因係自己酷愛足球，在英國讀書時已經常追看英超，亦經常落場以波會友，回港後有意在足球圈發展，並看中小型球好適合地少人多嘅香港，因此希望將小型球發揚光大。
當日賽事由早上十時開始至下午三時十五分結束，安排四場比賽，順序由港小總U11代表隊對全能足球隊、青年會挪亞方舟對香港體記、荃灣區議會對香港青年聯會、港小總邀請隊對香港明星足球隊，期間加插流浪漢世界盃球隊表演賽，每場賽事間場有體操表演。