猴:背脊開花

生肖屬猴嘅朋友，活潑好動，頭腦機靈，適應能力特別強，而且最會討人歡心，所以甚得身邊朋友嘅愛戴，人緣極好，工作上無論男女都喜歡親力親為，但有時會變為牆頭草，做人欠缺立場，做事虎頭蛇尾。

運程方面虎年財運有唔錯嘅發展，諸事順利，發展大步向前，另外今年有文昌星拱照，讀書進修或者從事文字創作工作最佳，有不俗嘅表現，但受白虎同指背星影響，小心背脊畀人篤到開花，特別係異性緣極差。

喺日本方面，人氣大熱女優堀口奈津美，佢生於1980年6月4日，生肖屬猴，明年工作上絕無問題，相信由年頭會旺到年尾，咁啱聽講有出版商搵佢出回憶錄，撞正有文昌星照住，如果成事，AV界又多一個才女出現。

雞:吉星高照

生肖屬雞嘅朋友，為人樂觀，熱心積極，做事有責任心，無論男女都健談兼有表現欲，所以人緣唔錯，最正仲係擅於理財同埋家庭心重，但缺點就係成日發牢騷，憤世疾俗，一講嘢就停唔到嘴，畀人輕浮嘅感覺。

虎年可以話係你嘅天下，事事稱心如意，因為有天德、天喜、福星、八助等吉星射住，逢凶化吉，心想事成，無論工作、愛情、家庭、財運都有理想嘅表現，遇上問題總有貴人幫助，只小心鋒芒太露，招人妒忌。

喺日本AV女優當中，生肖屬雞嘅有石黑京香，佢生於1981年10月2日，據聞到咗虎年佢嘅經理人會安排進軍海外，而且會接拍正規嘅影視作品，睇嚟京香佢來年想唔豬籠入水都唔得，但小心公司旗下其他女優眼紅呀！

狗:貴人指路

生肖屬狗嘅朋友為人富正義感，性格忠誠，做事認真，無論感情同工作都唔會三心兩意，事事追求完美，但亦都有好多缺點，就係喜怒形於色，唔識同人溝通，有時太過斤斤計較，最大問題係疑心大，而且好迷信。

虎年運程認真一般，因為吉星只得一粒天解星，即係運程無大起大落，萬一出任何問題，天解會一星當關，幫你搵貴人嚟解決問題，最終化險為夷，但凶星一大籮，特別有吊客和寡宿，人會有孤單和低潮嘅感覺。

喺日本十大人氣AV女優當中，09年人氣最火熱嘅Mihiro，佢生於1982年5月19日，生肖屬狗，經過多年嘅衝刺，Mihiro早就想休息一下，明年滿約之後好大機會放長假休息吓，到時不再熱鬧，自然會有孤單感覺。

撰文：小德

鳴謝：玄學家梁瑋鈞師傅