其實皇馬本身已經有好多高質素嘅球員，好似魯爾、雲尼斯達萊、洛賓、雲達華治、沙治奧拉莫斯、卡斯拿斯等等，人腳根本就好齊，問題係識唔識點去運用，如果用人用得好，用得恰當，係咪真係有需要再買咁多球星呢？

人多未必好辦事

而且成日買球員返嚟，人腳成日都變，球員可能會唔適應，好難夾得熟同有默契，我諗呢個可能係皇馬踢唔出應有身價嘅其中一個原因吧！

KitTak覺得買球員之前一定要諗清楚係咪真係有用同適合，買咗返嚟就要識得好好去利用，如果唔係，就算畀你簽到卡卡、韋拿同列貝利呢啲一級球星，又如何？咪一樣發揮唔到，幫唔到球會！依家皇馬仲話要簽埋C朗返嚟添，有時人多唔一定好辦事㗎！