大家好^^，我係Kittak呀！真係好耐冇見嘞，好開心可以喺《飛躍校園》再同大家分享感受，今次我唔會淨係寫NBA嘞，會隨心咁去寫，講啲同體育有關嘅嘢！
新欄第一次出街，當然要影啲靚相畀大家睇，要影得靚就梗係要有靚衫靚鞋啦！多得NIKE由頭到腳sponsor，我先可以着住咁多超colourful product咋，嘩，估唔到依家啲運動服飾咁靚，真係令人充滿購買欲啊！
成日唔想做運動減肥？我有個好辦法，就係買多啲運動衫，然後着住做運動，in得嚟又可以瘦身，一舉兩得！
運動衫時裝化
其實我一直冇乜運動服飾，之前成日覺得運動衫來來去去都係黑、白、灰，設計又件件都差不多咁，所以冇乜興趣。不過，唔知係咪愈嚟愈多女仔鍾意做運動，我發現今季女裝款式多咗好多，顏色又sharp，畀到人好有活力嘅感覺（好襯我，嘿嘿），令我最近都做多咗運動。
依家啲運動服飾design同cutting都好好，以後可以靚住咁做運動，着埋出街一樣好型，夠晒fashionable！啲衫咁靚，又畀咗咁多錢買，唔着好嘥㗎，我諗呢個原理就好似買細一個size嘅衫褲去逼自己減肥咁囉！一句講晒，要靚就要努力，大家一齊加油啦，我哋港女唔可以蝕㗎！
Kittak
中學時代被譽為「學界首席沙排明星」，奪獎無數，到入咗城大應用社會學系後更積極參與運動，並擔任NIKE Girl作網上主持人，深受網友歡迎