為咗解決立法會內務委員會（內會）嘅困局，立法會主席梁君彥尋日引用《議事規則》第九十二條，即無明文規定就由主席話事嘅權力，決定由保險界議員陳健波主持下周一立法會內會嘅主席選舉，到時夠人開會就會直接進入投票程序，變相褫奪郭榮鏗主持會議嘅資格。反對派對於梁嘅做法表示非常憤怒同反感，批評話咁做，會令到立法會嘅尊嚴大受打擊喎。不過耗時超過半年，開咗十七次會都未能選出內會主席，累及相關法案無法處理，莫非咁樣拖落去，立法會就好有尊嚴咩？
