綠色先鋒：鼓勵以物易物 雙倍環保
回收站內另一活動為玻璃回收，現場除了有兩個由六百公升有蓋垃圾桶改裝而成的玻璃回收車外，更設有「回收交換」平台，讓市民將不需要的物品放下，將有需要的拿走，因為April相信，以物易物是源頭減廢最有效的方法。
另設玻璃品交換平台
「如果自己唔要嘅嘢畀到其他人用，而自己又用到其他人唔要嘅嘢，兩邊同時都做到物盡其用，咁就可以雙倍環保。」April表示，「回收交換」平台一向是街站最受歡迎的一部分，採訪當日就有街坊將一套四件的紅酒杯送到街站，待有緣人將之取走。
另外，一些未能即時再用的玻璃物品亦不用擔心會被浪費，April指，南地球現時和一些本地環保公司合作，會將收集得來的玻璃送到其廠房並製作成環保玻璃磚，「我哋參觀過對方廠房好多次，亦睇過佢哋嘅成品，確保啲磚造咗出嚟真係可以推出市場，而唔係造出嚟等掉，我哋先決定同對方合作。」