「人人期望可達到，我的快樂比天高……」相信有番咁上年年紀嘅朋友應該都知道呢段歌詞係出自卡通片《多啦A夢》喇！小時候聽嘅歌好多都留下深刻印象，到長大之後依然難以忘懷；至於小室清佳唱嘅動畫歌曲喺幾十年之後又會唔會留喺大家心中呢？不過可以大膽講句，佢嘅身材一定會令大家難忘。
喺香港樂壇，性感同歌藝係冇辦法掛鈎，但係日本就唔同講法，好多女歌手歌精舞勁之餘，仲又靚女又好波，好似近期銳意喺寫真界爭一席位嘅藤田惠名就係好例子喇！除咗佢之外，小室清佳亦一樣係能歌善舞又身材一流。
今年23歲嘅清佳青春俏麗，一雙明眸充滿強勁電力，更帶幾分媚態，日本人稱之為小妖精女仔就係呢種喇！清佳同時擁有一副魔鬼身材，胴體小巧纖瘦，肌膚雪白又鮮嫩，而且凹凸有致，特別係一對E Cup美巨乳最惹人注目，絕對有條件同現役眾多寫真妹爭一日之長短。
清佳自小受到熱愛音樂嘅父母薰陶，讀幼稚園時已經學習彈鋼琴，之後仲學埋跳舞同唱歌，可以話係自細就開始為女歌手之路作好鋪排。讀高中嘅時候，清佳獲得好多上台表演機會，發揮歌舞才華，喺2015年佢嘅歌藝備受注目，及後更成為流行歌手添。喺樂壇發展得相當如意，上年年尾接替葵夏美嘅位置而成為樂團「King Cream Soda」第二代女主音，樂團嘅作品包括近年大熱嘅卡通片《妖怪手錶》片尾曲《お休み賛歌》。另外，清佳又同寺田真奈美組成二人組合「alom」，作品有卡通片《閃電十一人 阿瑞斯的天秤》片尾曲《戀する乙女は雨模樣》。
早前清佳話自己做歌手都已經有番咁上下成績，所以決定嘗試拍水着寫真，結果憑住誘人身段成功惹人注目。對此佳妹非常多謝大家支持，仲話寫真照效果咁好其實得來不易，因為事前經過一番努力，又要節食又要做按摩去水腫。不過為咗大家嘅眼福着想，清佳你千祈唔好怕辛苦呀！
簡介：近期小室清佳繼續努力發展歌唱事業，從其社交網中大家就可以了解到佳妹有咩新歌，同時知道佢近期又去咗邊度登台喇！
網址：https://twitter.com/sayaka_komuro
年齡：23歲
身高：5呎2吋
三圍：32-23-34
撰文：賢