阻警員入村抄牌 疑為區議員彭振聲

罵警員「係唔係冇嘢做」

該片長約五分鐘，料是涉事者拍攝，相信事發是前日晚上，兩名警員錶位抄牌，突然一名自稱村長的男子出聲：「想問吓你兩位阿Sir係咪冇嘢做呢？走入鄉村抄牌……你有冇資格？你有冇權力？我認為你哋濫用你哋嘅警力。」面對指罵，警員冷靜反問：「咁咪錶入錢係咪天經地義？」惟自稱村長的男子繼續指摘警員：「係咪冇嘢做？」又認為當時區內港鐵站外交通應非常繁忙，卻選擇沒有人投訴的鄉村地點抄牌。

期間，他大聲說︰「係咪你唔夠票（定額罰款通知書）？」又稱會「同你RC講」及「影晒你個Number（警員編號）」、「點解入鄉村抄牌？」短片尾聲，可聽到到場聲援村長的人愈來愈多，兩名警員表現冷靜，惡村長繼續指罵他們：「偏偏入嚟鄉村抄牌？頭先我見你入去嗰度抄，嗰度阻人咩？有人投訴冇所謂，依家冇人投訴吖嘛，擾民吖嘛！」惡村長稱原本在附近泊車，並說：「佢嚟想抄我牌，佢落緊簿o架喇，我砵佢‥‥‥我坐喺度又唔係阻街，佢想抄我o架，我×佢之嘛！」一度以粗言穢語辱罵警員。

短片在網上瘋傳，網民圍插涉事者，直斥他「違例泊車仲咁寸？邊條法例話圍村人泊車在公眾車位唔使入錶」，有人直言他是「垃圾」，並說：「今時今日乜咁嘅質素人士都可做到區議員……影衰晒區議會。」有人則反問是否「犯咗法冇人投訴就冇事o架？」認為區議員知法犯法，更是罪加一等，又說：「我係RC即刻落order日日落去抄牌啦！」據知，警方昨日又到場大派牛肉乾（告票）。

新界北RC發短訊撐同袍

據了解，兩名警員獲得上級支持，新界北總區指揮官郭蔭庸事後發短訊力撐同事，指看不到前線人員有做錯任何事，當時是適當地執行職務，他全力支持在該處採取行動。

網上有人踢爆拍片人疑為區議員彭振聲，記者多次致電向他求證，惟其手機轉駁至傳呼機秘書服務，至今未有回覆，而WhatsApp亦未有回覆。根據區議會網頁，彭為北區區議員，職業為註冊專業土木及結構工程師，報稱的所屬政治聯繫為獨立，他是該區區議會多個事務委員會及工作小組的委員或成員。資料顯示，他亦為粉嶺圍村長。

警方發言人稱，上水分區人員前晚約六時半巡經粉嶺南圍期間，發現停泊於上址的車輛未有於停車收費錶繳付泊車費，遂發出六張定額罰款通知書。據了解，截至昨日黃昏，警方接到四個相關地點有交通違例的報案，遂到有關地點進行所需的執法工作。