相信市民仍然記憶猶新，政府坐擁千億盈餘都唔肯全民派錢，搞出個唔湯唔水嘅「補漏拾遺」方案，換來各界狂轟。身兼行政會議成員嘅立法會議員黃國健尋日率先放風，話同財政司司長陳茂波會面後，得悉政府今年財政盈餘大幅減少，只有去年嘅三分之一，所以相信唔會派錢。不過期望會有「精準扶貧」項目，好似電費補貼、公屋租津等派糖措施。唔知到時市民會唔會收貨呢？
